काठमाडौँ । नेपाली कराते खेलाडी एरिका गुरुङ ऐतिहासिक स्वर्ण पदक जित्नबाट वञ्चित भएकी छन् ।
चीनको सिचुवान प्रान्तस्थित लेसनमा भएको डब्लूकेएफ कराते वान प्रिमियर लिगको फाइनलमा पराजित भइन् । आइतबार सम्पन्न महिला ६८ केजीमाथि तौल समूहको फाइनलमा एरिका पहिलो वरीयताप्राप्त काजकिस्तानकी सोफ्या बेरुल्तसेभासँग प्रतिस्पर्धात्मक खेलमा २–१ अंकले पराजित भएपछि रजत पदकमै खुम्चिइन् ।
प्रिमियर लिगमा उनको यो दोस्रो रजत पदक हो । यसअघि एरिकाले जनवरीमा टर्कीको इस्तानबुलमा प्रिमियर लिगमै फाइनल पुगेर रजतमा रोकिएकी थिइन् । त्यति बेला पनि उनी सोफ्यासँगै पराजित भएकी थिइन् ।
