हङकङका प्रजातन्त्र समर्थक व्यवसायी Jimmy Lai लाई २० वर्ष जेल सजाय सुनाइएपछि बेलायत सरकारले हङकङवासीप्रति आफ्नो समर्थन पुनः दोहोर्याएको छ।
सरकारले अब British National (Overseas) – BNO स्थिति भएका हङकङवासीका १८ वर्षभन्दा माथिका वयस्क सन्तानहरूलाई पनि बेलायत जान र बसोबास गर्न आवेदन दिने अनुमति दिएको छ। यसअघि उनीहरू उमेरका कारण यो योजनाबाट बाहिर परेका थिए।
नयाँ व्यवस्थाअनुसार ती सन्तानसँगै उनीहरूका पति/पत्नी र बालबालिकाहरू पनि बेलायत सर्न सक्नेछन्।
बेलायत सरकारले आगामी ५ वर्षमा करिब २६,००० मानिस बेलायत आउने अनुमान गरेको छ। २०२१ मा BNO भिसा योजना सुरु भएदेखि हालसम्म २३०,००० भन्दा बढीलाई भिसा दिइसकिएको र करिब १७०,००० हङकङवासी बेलायत सरेका छन्।
सरकारले यो कदम हङकङका अधिकार र स्वतन्त्रता घट्दै गएको अवस्थामा परिवारलाई सुरक्षित बसोबासको अवसर दिन गरिएको जनाएको छ।
