रोल्पा । रोल्पा जिल्लाको थवाङ गाउँपालिका–१, जलजलामा जिप दुर्घटना हुँदा १७ जनाको मृत्यु भएको छ । रुकुम पूर्वबाट जलजलातर्फ जाँदै गरेको जिप करिब ८०० मिटर तल भिरमा खसेको हो ।
घटनास्थलमै १७ जनाको मृत्यु भएको पुष्टि भएको प्रहरीले जनाएको छ । दुर्घटनापछि तत्कालै स्थानीयवासी र सुरक्षाकर्मीको टोली उद्धारमा खटिएको छ । घाइतेको अवस्था र संख्या यकिन भइनसकेको प्रहरीले बताएको छ ।
दुर्घटनाको कारण खुल्न बाँकी रहेको छ । प्रहरीले घटनाबारे थप विवरण संकलन गरिरहेको जनाएको छ ।
