सञ्जय हाङ मगर
नवलपरासी । कनुङ बुद्ध बिहारमा २५७०औँ बुद्ध जयन्ती हर्षोल्लास तथा श्रद्धाभावका साथ भव्य रूपमा मनाइएको छ ।
भगवान बुद्धको जन्म, ज्ञान प्राप्ति तथा महापरिनिर्वाणको पावन अवसरमा विशेष कार्यक्रम आयोजना गरिएको थियो । कार्यक्रममा ठूलो संख्यामा श्रद्धालु भक्तजन, स्थानीय बासिन्दा, भिक्षुहरू तथा अतिथिहरूको उत्साहजनक सहभागिता रहेको थियो । समारोहमा पूजा–आराधना, बुद्ध वन्दना, दीप प्रज्वलन तथा भगवान बुद्धका शान्ति, करुणा र अहिंसाका शिक्षाबारे मन्तव्य प्रस्तुत गरिएको थियो।
कार्यक्रमका क्रममा समुदायका सदस्यहरूले सांस्कृतिक प्रस्तुति समेत दिएका थिए। सहभागीहरूले मेलमिलाप, सद्भाव र एकताको सन्देश प्रवाह गर्दै बुद्धका उपदेशलाई जीवनमा अपनाउनुपर्नेमा जोड दिएका थिए।
आयोजकहरूले कार्यक्रम सफलतापूर्वक सम्पन्न भएकोमा खुशी व्यक्त गर्दै सहयोग, सहभागिता तथा समर्थन गर्ने सम्पूर्णमा धन्यवाद ज्ञापन गरेका थिए।
कनुङ बुद्ध बिहारमा सम्पन्न २५७०औँ बुद्ध जयन्ती समारोह समुदायमा शान्ति, ज्ञान र सद्भावको सन्देश फैलाउने स्मरणीय अवसर बनेको छ।
