काठमाडौं । दक्षिण अफ्रिकामा एउटा चर्च भत्कँदा कम्तीमा १३ जनाको मृत्यु भएको छ । १६ जना घाइते भएका छन् ।
दक्षिण अफ्रिकाको डर्बान सहरको डालांगुबोमा साँझको प्रार्थनाका बेला चर्च भत्केको थियो ।
अत्यधिक वर्षाका कारण जीर्ण भएको चर्च भत्केको त्यहाँका अधिकारीहरुले जनाएका छन् ।
चर्च भत्कनेबित्तिकै प्रार्थना गरिरहेकाहरुबीच भागदौड मच्चिएको थियो । घाइतेमध्ये ६ जनाको अवस्था गम्भीर रहेको बताइएको छ ।
दक्षिण अफ्रिकी सरकारले चर्च भत्केर मृत्यु भएकाका परिवारजनलाई राहत दिने जनाएको छ । (एजेन्सी)
