काठमाडौँ । सरकारले ल्याएको मिडिया काउन्सिल विधेयकको विरोध गर्र्दै पत्रकारहरुले मानव साङ्लोसहितको जुलस प्रर्दशन गरेका छन् ।
शनिबार अपराह्न काठमाडौंको बबरमहलमा नेपाल पत्रकार महासंघको नेतृत्वमा भएको आन्दोलनमा उनीहरुले सरकारलाई सो विधेयक फिर्ता लिन माग गरेका छन् ।
उनीहरुले प्रेस स्वतन्त्रताको पक्षमा विभिन्न नारा लेखिएका प्लेकार्डसहित आँखामा पट्टी बाँधेर सडकमा प्रर्दशन गरेका हुन् । मानवसाङ्लो बनाउनुअघि भएको कोणसभामा पत्रकार महासंघका पदाधिकारीहरु तथा पूर्व पदाधिकारीहरुले सम्बोधन गरेका थिए ।
पत्रकार महासंघका अध्यक्ष गोविन्द आर्चायले पत्रकारहरुलाई सम्बोधन गर्दै पत्रकार महासंघले एक महिनादेखि गरेको आन्दोलन सरकारले सुनुवाई नगरेको भन्दै छिट्टै अर्को चरणको आन्दोलन गर्ने बताए ।
