काठमाडौं जेठ ९ ।
नेपाल नागरिकता पहिलो संशोधन अध्यादेश जारी भएको छ ।
राष्ट्रपति विद्यादेवी भण्डारीले आइतवार नेपाल नागरिकता ९पहिलो संशोधन अध्यादेश जारी गरेकी हुन् । जन्मसिद्ध नागरिकता पाएका व्यक्तिको सन्तानलाई वंशजको नागरिकता दिने गरी अध्यादेश जारी भएको बताइएको छ । हाल जन्मको आधारमा नागरिकता पाएका व्यक्तिको सन्तानले वंशजको नागरिकता नपाउने व्यवस्था थियो ।
मधेसकेन्द्रित दलको मागअनुसार प्रधानमन्त्री केपी शर्मा ओलीले नागरिकतासम्बन्धी अध्यादेश मन्त्रिपरिषदबाट पारित गराएका थिए ।यसलाई मधेसवादी दलको ठूलो उपलब्धी मानिएको छ । नागरिकतासम्बन्धी विधेयक प्रतिनिधिसभामा २ वर्षभन्दा अघिदेखि छलफलका क्रममा छ ।
तर सरकारले संसद विघटन गरेपछि अध्यादेशबाट नागरिकता ऐन ल्याएको हो ।
