लण्डन भदौ ६ ।
गोरखा सत्याग्रह संयुक्त संघर्ष समितिले आमरण अनसनमा सहयोग पुर्याउने सबैमा धन्यवाद ज्ञापन गरेको छ ।
समितिका संयोजक सन्तोष थलङ तथा प्रमुख संयोजक कृष्णबहादुर राईले आज एक संयुक्त विज्ञप्ति जारी गर्दै सबैको सहयोगका कारण नै अनसन सफल भएको बताएका छन् ।
सत्याग्रहले राखेको माग बेलायत सरकारका भेट्रान मन्त्री र बेलायतका लागि नेपाली राजदुत दुवै जना अनसनस्थलमा नै आई पूरा गरेकाले अनसन समाप्त गरिएको समितिले बताएको छ । यसलाई सबै नेपालीहरुको ऐतिहासिक नैतिक विजय ठहर विज्ञप्तिमा गरिएको छ ।
