एटा संवाददाता
लन्डन । पञ्चासे समाज युकेले दसौं वार्षिकोत्सव मनाएको छ । गत शनिबार २८ जुलाईका दिन वेलिङ्गस्थित फल्कनउड कम्युनिटी हल दि ग्रीनमा मनाइएको हो ।
सो कार्यक्रमलाई समाजका अध्यक्ष शिवराम गुरुङ, संस्थापक अध्यक्ष ले. दानबहादुर गुरुङ, उपाध्यक्ष खुशीमान गुरुङ र उपाध्यक्ष नवराज गुरुङले संयुक्त रुपमा दिपप्रज्ज्वलन गरी कार्यक्रम उद्घाटन गरेका थिए ।
सो अवसरमा नयाँ सदस्य, चेलीबेटी, नेपाल तथा बाहिरबाट आएका अतिथिहरुलाई खादा लगाई स्वागत तथा सम्मान गरिएको थियो । त्यस्तै, हालै बैबाहिक बन्धनमा बाँधिएका नव दम्पत्ती र कार्यक्रमलाई प्रायोजन गर्ने प्रायोजकहरुलाई संस्थापक अध्यक्ष दान बहादुर गुरुङले खादा लगाई प्रशंसा पत्र प्रदान गरेका थिए ।
त्यस्तै, विभिन्न विषय र तहमा उच्च शिक्षा हासिल गरेका विद्यार्थीहरुलाई अध्यक्ष शिवराम गुरुङले खादा लगाई दिएका थिए । सो कार्यक्रम हरि कुमार काजी गुरुङले संचालन गरेका थिए ।
करिब २०० जनाको सहभागिता रहेको कार्यक्रममा संस्थापक अध्यक्ष ले. दान बहादुर गुरुङ र ज्वाइँहरुको तर्फबाट ले. ललित गुरुङले शुभकामना मन्तब्य प्रकट गरेका थिए ।
समाज १० वर्ष पूरा गरेको अवसरमा संस्थापक अध्यक्ष दान बहादुर गुरुङ, अध्यक्ष शिबराम गुरुङ, उपाध्यक्ष खुशीमान गुरुङ र उपाध्यक्ष नवराज गुरुङले संयुक्त रुपमा केट काटेका थिए ।
विविध साँस्कृतिक कार्यक्रमको समेत प्रस्तुत् गरिएको कार्यक्रममा स्थानीय नेपाली कलाकारहरुले आ–आप्mनो कला प्रस्तुत् गरेका थिए ।
कार्यक्रमलाई मनोरञ्जन प्रदान गर्नका लागि आमा समूहकी अध्यक्ष सति कुमारी गुरुङलगायत आमा समूहले विभिन्न खेल तथा चिठ्ठा खेलाएका थिए । सो चिठ्ठा खेलको बिजेतालाई संस्थापक महासचिव आरकुमार गुरुङले आधा तोला सुन प्रथम पुरस्कार स्वरुप प्रायोजन गरेका थिए ।
त्यस्तै, सो चिठ्ठा बिजेताहरुलाई अध्यक्ष शिवराम गुरुङले दोस्रो, विन्दिया गुरुङले तेश्रो, पञ्च कुमारी गुरुङले चौथो र विन्दुमाया गुरुङले पाँचौं पुरस्कारको प्रायोजन गरेका थिए ।
खुशीको नाच गर्दै सम्पन्न भएको कार्यक्रममा अध्यक्ष गुरुङले उपस्थित महानुभाव र कार्यसमितिलाई बिशेष धन्यवाद दिएका थिए ।
समाजका अध्यक्ष शिवराम गुरुङको अध्यक्षतामा सम्पन्न कार्यक्रममा संस्थापक महासचिव आर कुमार गुरुङले हेल्थ एण्ड सेफ्टीबारे, उपाध्यक्ष नवराज गुरुङले स्वागत मन्तब्य र महासचिव जय बहादुर गुरुङले कार्यक्रम संचालन गरेका थिए ।
