नगेन्द्रराज नेम्वाङ
लन्डन (ह्यारो) । नेप्लिज ड्राइभिङ इन्स्ट्रक्टर एसोसिएसन यूकेको बैठक सम्पन्न भएको छ ।
शुक्रबार ९ जुन २०२३ को दिन अध्यक्ष क्याप्टेन रिटायर्ड ताम ढेगाको अध्यक्षतामा बैठक बसेको हो । बैठकको अवधिमा केही आपतकालीन समस्या आइपरेमा अपनाउनु पर्ने सुरक्षासम्बन्धी महासचिव तेज पुनले जानकारी गराए । त्यसपछि बैठकमा उपाध्यक्ष होमराज विष्टले स्वागत मन्तव्य राखेका थिए ।
महासचिव तेज पुनले सन्चालन गरेको बैठकमा उपस्थित सम्पूर्ण ड्राइभिङ इन्स्ट्रक्टरहरुलाई डिफेन्सिभ ड्राइभिङ इक्जामिनर बसन्त गुरुङले डिफेन्सिभ ड्राइभिङबारेमा सन्देशमूलक जानकारी दिएका थिए । उपाध्यक्ष माधव कार्कीले स्ट्यान्डर्ड चेक टेस्टको अपडेड गराएका थिए । सदस्यता शुल्क सदस्यता नवीकरण बारेमा पनि विशेष छलफल भएको थियो ।
अध्यक्ष क्याप्टेन रिटायर्ड ढेगाले उपस्थित सम्पूर्ण एडीआईहरुलाई उपस्थितिका लागि धन्यवाद दिँदै एसोसिएसनको आगामी बैठकको स्थान मिति, अन्य व्यवसायलगायत समसमयिक विषयलाई समेट्दै बैठकको समापन गरेका थिए ।
