लिला सेलुङ माबो
लन्डन २ नोभेम्बर २०२३ । ग्रेटर रश्मुर नेपाली कम्युनिटि युके (जिआरएनसी युके) को साधारणसभा आगामी यही नोभेम्बर २६ मा हुने भएको छ ।
बेलायतको अल्डरसटस्थित एम्पाएर हलको दोस्रो तलामा बिहान ११ बजे उक्त कार्यक्रम सुरु हुने संस्थाका अध्यक्ष मान गुरुङले जानकारी दिए । कार्यक्रमका लागि प्रमुख निर्वाचन अधिकृत एकेन्द्र गुरुङलाई तोकिएको छ ।
जसको सदस्यमा क्या.रि.महेन्द्र लिम्बु, रञ्जिता मल्ल, वाचस्पती रेग्मी छन् । यसैबीच, संस्थाले यही नोभेम्बर ११ शनिबार स्थापना दिवस पनि मनाउँदै छ ।
प्रिन्सेस गार्डेनमा बिहान साढे १० बजे स्थापना दिवसको कार्यक्रम सुरु हुने जिआरएनसी युकेले जनाएको छ ।
