लन्डन ८ मे २०२४ । इलमपोखरी समाज युकेको गृष्मकालीन वार्षिक बीबीक्यू पार्टी आउँदो जुन ८ तारिखमा हुने भएको छ ।
लेजर सेन्टर अल्डरसटमा बिहान १० बजे सुरूदेखि यस वर्षको बीबीक्यू पार्टी हुने समाजका अध्यक्ष परशु गुरुङले जानकारी दिए । कार्यक्रममा आकर्षक पुरस्कारसहित महिला भलिबल, महिलाका लागि म्युजिकल चेयर, ठेलो र फुटबल प्रतियोगिता समावेश गरिएका छन् ।
सो अवसरमा स्थानीय कलाकारसहित नेपालबाट आएकी इन्द्रेणी कार्यक्रमकी सञ्चालिका मनमाया वाइबाको बेजोड प्रस्तुति रहनेछ । साथै भाग्योदय चिट्ठा पनि समावेश गरिएको छ । यस समाजले वर्षमा दुई पटक मुख्य कार्यक्रम आयोजना गर्ने गर्छ, हिउँदमा ल्होछार पार्टी र समरमा बीबीक्यू पार्टी । न्यानो मौसम भएको कारण हिउँदभन्दा समर पार्टीमा धेरै मानिस सहभागी हुने गरेका छन् ।
