लन्डन १६ अप्रिल २०२५ । किरात राई यायोक्खा यूकेले आगामी १७ मेमा साकेला उभौली पर्व मनाउने भएको छ ।
ग्याम्बल्स लेन सर्रेस्थित किरात हाउसमा भव्य कार्यक्रम गरेर साकेला मनाउने निर्णय भएको संस्थाका वरिष्ठ उपाध्यक्ष एवं साकेला कोअर्डिनेटर प्रेमकुमार राईले जानकारी दिए । उनका अनुसार कार्यक्रम बिहान ११ बजेदेखि सुरु हुनेछ ।
प्रकृति पूजक किरात राईहरूले किरात राई परम्पराअनुसार भूमिको पूजा तथा विविध सांस्कृतिक कार्यक्रम गरेर उभौली मनाउने तयारी गरेका हुन् । किरात राईहरूले यो चाडलाई पृथ्वीमा कृषि युगको सुरुआत भएदेखि नै मान्दै आएको विश्वास गरिन्छ ।
