लन्डन । बेलायतको अल्डरसटबाट सम्पर्कविहीन भएकी नेपाली वृद्धा महिला फेला परेकी छन् ।
२१ अप्रिल अबेर राति उक्त महिलालाई प्रहरीले भेट्टाएको हो । महिला भेट्टिएको जानकारी गराउँदै जीआरएनसी च्यारिटीले प्रहरी, सन्देश सेयर गर्नेलगायत सबैलाई धन्यवाद दिएको छ ।
८१ वर्षीया वृद्धा अल्डरसट हाइस्ट्रिट एरियाबाट २० अप्रिलमा सम्पर्कविहीन भएकी थिइन् । महिला करिब पाँच फिट उचाइ, सेतो कपाल र लामो कालो ज्याकेट लगाएकी थिइन् । बेपत्ताको नाम र ठेगाना खुलाइएको थिएन ।
वृद्धा महिला बेपत्ता भएपछि आफन्तसहिन बेलायतवासी नेपाली समुदाय चिन्तित बनेका थिए ।
