नुवाकोट । नुवाकोटको पञ्चकन्या गाउँपालिका–३ घलेगाउँमा आधारभूत सम्भोटा लिपि तथा बौद्ध धर्म शिक्षा प्रशिक्षण कार्यक्रम आयोजना हुने भएको छ।
मोक्ष धर्मदिप च्यारिटी र घलेगाउँ सांस्कृतिक केन्द्रको सहकार्यमा आयोजना हुने प्रशिक्षण कार्यक्रमको उद्घाटन समारोहमा धर्मगुरु तुल्कु धावा नोर्बु रिन्पोछे प्रमुख अतिथिका रूपमा सहभागी हुने आयोजकले जनाएको छ।
कार्यक्रम प्रमुख अतिथि रिन्पोछे र पञ्चकन्या गाउँपालिकाका अध्यक्ष तेजबहादुर तामाङले संयुक्त रुपमा उद्घाटन गरिने जनाइएको छ।
कार्यक्रम २०८३ भदौ ४ गते बिहीबार दिउँसो १२ बजे पञ्चकन्या गाउँपालिका–३, घलेगाउँमा आयोजना हुनेछ।
सम्भोटा लिपि तथा बौद्ध धर्मसम्बन्धी आधारभूत ज्ञान र शिक्षा प्रवर्द्धन गर्ने उद्देश्यले आयोजना गरिएको कार्यक्रममा सम्बन्धित क्षेत्रका व्यक्तित्व, स्थानीय बासिन्दा तथा इच्छुक सबैलाई उपस्थितिका लागि आयोजकले अनुरोध गरेको छ।
