काठमाडौं । नेपालमा आएको विनाशकारी बाढीबाट प्रभावित नागरिकको सहयोगार्थ तमाङ समाज यूकेले सञ्चालन गरेको राहत संकलन अभियानबाट ५ हजार ४४८ पाउन्ड संकलन भएको छ।
संकलित सम्पूर्ण रकम प्रधानमन्त्री दैवी प्रकोप उद्धार कोषमा हस्तान्तरण गरिने समाजका महासचिव रोज लामा दोङलृ जानकारी दिए ।
रकम हस्तान्तरण सम्पन्न भएपछि आधिकारिक जानकारी सार्वजनिक गरिने बताइएको छ। समाजले अभियानमा सहयोग गर्ने आफ्ना सदस्य, मित्र, शुभेच्छुक तथा सम्पूर्ण सहयोगदाताप्रति हार्दिक आभार व्यक्त गरेको छ।
