लन्डन । थकाली कल्याण समाज यूकेले नेपालका बाढीपीडितहरु १० लाख रुपैयाँ सहयोग गरेको छ ।
सहयोग रकमको चेक शनिबार विज्ञान प्रविधि तथा नवप्रवर्तनमन्त्री महावीर पुनलाई थकाली कल्याण समाज यूकेका उपाध्यक्ष केशर शेरचन, सल्लाहकार टंका तुलाचन तथा सदस्य नगेन्द्र गौचनले हस्तान्तरण गरेका हुन् । उक्त चेक प्रधानमन्त्री राहत कोषमा सोमबार जम्मा गरिने मन्त्री पुनले बताए ।
उनले नेपाल र विश्वभरिका थकाली समाजले अरु धेरै सहयोग पनि निकट भविष्यमा गर्ने विश्वास व्यक्त गरेका छन् । २६ अगस्टमा तिब्बत तर्फबाट भोटेकोशीमा आएको बाढीका कारण रसुवा, नुवाकोट र धादिङ लगायत जिल्लाका तटीय क्षेत्रमा व्यापक जनधनको क्षति भएको छ ।
