लन्डन । नेपाली सेनाका प्रधानसेनापति महारथी अशोकराज सिग्देलले बेलायती सेनाका प्रमुख रोली वाकरसँग शिष्टाचार भेट गरेका छन्।
बेलायतको औपचारिक भ्रमणमा रहेका प्रधान सेनापति सिग्देलले असोज २१ गते बुधबार बेलायती सेनाको मुख्यालय भ्रमणका क्रममा जनरल वाकरसँग भेट गरेका हुन् । भेटका क्रममा दुई देशका सेनाबीचको सम्बन्ध तथा आपसी सहकार्यका विषयमा छलफल भएको सैनिक जनसम्पर्क निर्देशनालयले जनाएको छ ।
प्रधानसेनापति सिग्देल मंगलबार बेलायत आइपुगेका थिए । उनी एक सातासम्म बेलायतमा रहनेछन् ।
