एटा संवाददाता
अल्डरसट । नेपालका अर्थमन्त्री डा. युवराज खतिवडा २० फेब्रुअरीका दिन (बुधबार) लन्डन आउने भएका छन् । उनी नेपाली दूतावास लन्डनले २२ फेब्रुअरीका दिन दूतावासमा आयोजना गर्ने ‘नेपाल विकास सम्मलेन’ मा प्रमुख वक्ताको रुपमा सहभागी हुनेछन् ।
अर्थमन्त्री खतिवडाले दुई दिनको लन्डन बसाईमा डिफिड इन्टरनेसनल सेक्रेटरीलगायत केही सरकारी अधिकारीहरुसँग भेटघाट गर्ने कार्यक्रम रहेको नेपाली दूतावास लन्डनका उपनियोग प्रमुख शरदराज आरनले जानकारी गराएका छन् । त्यस्तै, उनीसँग एनआरएनए युकेले समेत अन्तरक्रिया गर्ने भएको छ ।
उनी २३ फेबु्रअरीका दिन स्वदेश फर्कने कार्यक्रम छ । बेलायतवासी नेपाली व्यवसायीहरुले मन्त्री खतिवडाको बेलायत भ्रमणलाई विशेष महत्वका साथ हेरेका छन् ।
