काठमाडौँ । राष्ट्रपति विद्यादेवी भण्डारीसँग नेपालका लागि जापानका राजदूत मासामिची साइगोले आज अपराह्न राष्ट्रपति भवन, शीतल निवासमा शिष्टाचार भेट गरे ।
भेटमा उनीहरूबीच नेपाल–जापान सम्बन्धका साथै आपसी हित र चासोका विविध विषयमा विचारविमर्श भएको राष्ट्रपतिको कार्यालयले जनाएको छ ।
आजै राष्ट्रपतिसँग नेपालका लागि पोल्याण्डका गैरआवासीय राजदूत आडम बुराकोस्कीले पनि शिष्टाचार भेट गरे ।
भेटमा नेपाल र पोल्याण्डबीच विद्यमान सम्बन्ध, पारस्परिक हित र चासोका विषयमा छलफल भएको थियो ।
दुवै भेटमा नेपाल सरकारका उच्चपदस्थ अधिकारीका साथै जापान र पोल्याण्ड सरकारका अधिकृतको पनि उपस्थिति थियो ।
