लन्डन । नेपाल सरकारले घोषणा गरेको नेपाल भ्रमण वर्ष २०२० लाई प्रवर्द्धन गर्ने उद्देश्यसहित ब्रेकन, बेल्समा ‘हाईक फर नेपाल’ आयोजना गरिएको छ । पोखरेली मञ्च यूके र We Will Rise फाउन्डेशनको संयूक्त तत्वावधानमा विगतका वर्षहरुमा झैं यो वर्ष पनि हाईक फर नेपाल आयोजना गरिएको हो । अगस्टको २ शुक्रबारदेखि सुरु भएको हाइक फर नेपाल ४ तारिखसम्म चल्ने छ ।
हाईक फर नेपालमा यो वर्ष ३०० जतिको सहभागिता रहेको मुख्य संयोजक मेजर खुशीमान गुरुङ एमभिओले बताए ।हाईक फर नेपाल क्याम्पिङ्ग र हाईकिङ्गको आयोजना गर्नुको मुख्य उद्देश्य र लक्ष्य स्थानीय पर्यटकलाई नेपालको बारेमा थप परिचित गराउनु रहेको आयोजकले जनाएको छ । साथै बेलायतभरी छरिएर रहेका नेपालीहरुलाई एकै सुत्रमा बाँधी एक नेपालीले कम्तीमा चार/पाँच पर्यटकलाई नेपाल भित्र्याउन सक्ने वातावरणको सिर्जना गर्नु पनि रहेको छ ।
साधारणतया क्याम्पिङ्गमा आफैले खानपानलगायत धेरै कुराको बन्दोबस्त मिलाएर गएका छन् ।
तस्बिर : मिलन तमु
