लन्डन । गैरआवासीय नेपाली संघ (एनआरएनए) यूकेको नयाँ नेतृत्वका लागि भएको निर्वाचनको मतगणना जारी छ । बिहीबार बिहानदेखि अल्डरसटस्थित एम्पायर हलमा मतगणना चलिरहेको छ ।
शुक्रबारसम्म झन्डै ५ हजार मतगणना भइसकेपनि मत परिणाम सार्वजनिक गरिएको छैन । गत १४ सेप्टेम्बरमा भएको निर्वाचनमा कुल ९ हजार २ सय ५३ मत खसेको थियो ।
अध्यक्षका प्रत्यासी पुनम गुरुङ र शेरबहादुर सुनारबीच तीव्र प्रतिस्पर्धा छ । १३ मतदान केन्द्रमा मतदान भएको थियो ।
