लण्डन भदौ २१ ।
बेलायतमा एकैदिन कोरोना भाइरसका ३७ हजारभन्दा बढी सङ्क्रमित फेला परेका छन् ।
पछिल्लो २४ घण्टामा ३७ हजार ११ जना कोरोना भाइरसका नयाँ सङ्क्रमित थपिएका बताइएको छ । यो समेत गरी यहाँ त्यहाँ ६९ लाख ७८ हजार ६२ जना सङ्क्रमित पुगेका छन् ।
त्यस्तै ६८ जनाको कोरोनाकै कारण निधन भएको पनि बताइएको छ । यहाँ पछिल्ला केही हप्तामा सङ्क्रमितहरु थपिने र निधन हुनेको सङ्ख्या पनि बढेको बताइएको छ ।
कोरोना भाइरसबाट एक लाख ३३ हजार २२९ जनाको निधन भइसकेको छ । पछिल्लो समय लकडाउन खुला गरिएपछि सङ्क्रमण बढ्दै गएको पाइएको छ ।
