लण्डन असोज २ ।
सल्यानको सल्लीबजार नजिक रहेका राउटे परिवारलाई लण्डनस्थित व्यवसायी रविजंग लामिछानेले सहयोग गरेका छन् ।
दयनीय जीवनशैली बिताइरहेका ४६ राउटे परिवारका १४१ जनालाई शुक्रबार एक कार्यक्रमबीच टेन्ट, म्याट्रेस, ब्ल्यांककेट, चप्पल, साबुन, आंटा लगायत विभिन्न सामग्री प्रदान गरिएको लामिछानेले जनाए ।
राष्ट्रिय सभा अध्यक्ष गणेश तिमिल्सिनाले ति सामग्री हस्तान्तरण गर्दै अर्थ सामाजिक राउटे जातीको जीवनस्तर सुधार्न दीर्घकालिन योजनामा जोड दिए । उनले अहिलेसम्मका सरकारले राउटेको जीवनस्तर सुधारेर सामाजिकीकरण गर्ने सवालमा ठोस् योजना ल्याउन नसकेको पनि बताए ।
सहयोग वितरण कार्यक्रममा सल्यान र सुर्खेतका प्रमुख जिल्ला अधिकारी, स्थानीय मेयर, प्रदेश सांसद, प्रहरी प्रमुखहरु लगायत सहभागी थिए ।
