काठमाडौं १६ मे २०२२ । स्थानीय तह सदस्य निर्वाचनअन्तर्गत सोमबार अपराह्न साढे ४ बजेसम्ममा १५१ वटा स्थानीय तहको मत परिणाम सार्वजनिक भएको छ । जसमा नेपाली कांग्रेस ६४, नेकपा एमाले ४९, नेकपा (माओवादी केन्द्र)ले ३२, नेकपा (एकीकृत समाजवादी)ले २ र अन्यले ४ स्थानीय तहमा प्रमुख पद जितेका छन् ।
उपप्रमुखमा सबभन्दा बढी कांग्रेसले ६७, एमाले ४५, माओवादी २५, एकीकृत समाजवादी ७, जनता समाजवादी पार्टी २ र अन्य ४ जनाले जितेका छन् ।
मतगणना जारी स्थानमध्ये प्रमुखतर्फ कांग्रेस, एमालेले धेरै पालिकामा अग्रता लिइरहेका छन् । नेपालमा वैशाख ३० गते देशभर ७५३ स्थानीय तहमा एकैचरणमा निर्वाचन भएको हो । तर केही ठाउँमा स्थगित भएको छ ।
