उदयपुर सेप्टेम्बर २ ।
उदयपुरमा एकै परिवारका तीन जनाको हत्या भएको छ ।
बेलका नगरपालिका ७ उदयपुरका राजकुमार बस्नेतसहित उनकी श्रीमती सरिता र छोरा सुजनको हत्या भएको जिल्ला प्रहरी कार्यालय उदयपुरले जनाएको छ । हत्या गरेको आशङ्कामा एक जनालाई पक्राउ गरिएको छ । पक्राउ पर्नेमा नरबहादुर बस्नेत रहेका प्रहरीले जनाएको छ । पक्राउ पर्ने व्यक्ति नाताभित्रकै भएका प्रहरीले जनाएको छ ।
घटनास्थल उदपुरको विकट ठाउँमा पर्छ । टुक्रा–टुक्रा पारिएको अवस्थामा शव भेटिएको छ । प्रारम्भिक अनुसन्धानका क्रममा सबैलाई खुकुरी प्रहार गरेको हुन सक्ने देखिएको प्रहरीको भनाइ छ । घटनाको कारणबारे अनुसन्धान भइरहेको छ ।
