लण्डन डिसेम्बर २२ ।
सगरमाथा गोरखा नेपाली कम्युनिटी आसफोर्ड केन्टले क्रिसमसको समयमा घरबारविहीनहरूलाई खाना खुवाउनका लागि आर्थिक सहयोग गरेको छ ।
कम्युनिटीका सदस्यहरूबाट संकलित १ हजार ३२२ पाउण्ड कम्युनिटीका अध्यक्ष कप्रसाद छन्त्यालको नेतृत्वमा गएको कम्युनिटीको टोलीले बुधबार स्थानिय फुड बैँकलाई हस्तान्तरण गरेको छ ।
कम्युनिटीले सन् २०१५ देखि नै क्रिसमसको समयमा घरबारविहीनहरूलाई खाना खुवाउने कार्य गर्दै आएको थियो । शुरुमा खाद्यवस्तु नै संकलन गर्ने गरेकोमा कोरोना महामारीपछि नगद संकलन गरी फूड बैँकलाई बुझाउने र फुड बैँकले घरबारविहीनहरूलाई कम्युनिटीका तर्फबाट खाना खुवाउने गरेको छ ।
यसपटकको खाद्यान्न दान संकलनको संयोजन उपाध्यक्ष चिरन राईले गरेका थिए ।
