पोखरा । २२ औं संस्करणको आहा रारा पोखरा गोल्डकपको उपाधि संकटा क्लबले जितेको छ ।
संकटाले पोखरा रंगशालामा शनिबार भएको फाइनल खेलमा भुटानी युथ स्पोर्ट्स क्लब (बीवाइएससी)लाई ३-२ ले हराउँदै संकटाले उपाधि जितेको हो । संकटाका लागि कप्तान सुनील वलले निर्णायक गोल गरे । संकटाका लागि सुरजज्यु ठकुरी र गोल मेसुकी १/१ गोलले गरे । अतिरिक्त समयमा धकेलिएको खेलमा संकटाका लागि ११६ औं मिनेटमा कप्तान वलले १ गोल थपेका थिए ।
पराजति बीवाइएससीका रेने स्यान्टिलन र विलिस ग्रिफिथले गोल गरेका थिए ।
