काठमाडौं २३ फेब्रुअरी २०२३ ।
वैदेशिक रोजगार विभागले अब परिचयपत्र विना विभाग परिसर भित्र छिर्न रोक लगाएको छ ।
केही दिनयता विभागको नियमित काम प्रभावित हुने गरी पिडितको नाममा कार्यालय भित्र नाराजुलुस गर्ने, अमर्यादित भाषाको प्रयोग गर्ने र कार्यालयमा आतंक मच्याउने काम भएको विभागका सूचना अधिकारी कृष्णप्रसाद भुसालले जानकारी दिए ।
उनका अनुसार यसले कार्यालयको काम गर्ने वातावरण बिग्रिएको भन्दै विभागले गुनासाहरुलाई कानुनी बाटोबाट ल्याउन आग्रह गरेको हो । अब कार्यालय प्रवेशमा कडाइ गरिएको र विभागमा आउने सेवाग्राहीसँग अनिवार्य परिचयपत्र साथमा हुनुपर्ने नियम बनाइएको उनले जानकारी दिएका छन् ।
