काठमाडौं २४ फेब्रुअरी २०२३ ।
आसन्न राष्ट्रपति निर्वाचनमा नेपाली कांग्रेसका उम्मेदवारलाई सघाउने ८ दलबीच सहमति भएको छ ।
शुक्रबार बालुवाटारमा बसेको बैठकमा कांग्रेस उम्मेदवारलाई सघाउन ८ दल सहमत भएका हुन् । ‘आज राष्ट्रपतिको मात्र कुरा भयो । कांग्रेसको उम्मेदवारलाई सघाउने ८ वटा दल सहमत भएका एकीकृत समाजवादीका उपमहासचिव प्रकाश ज्वालाले बताए ।
बैठकमा कांग्रेस, माओवादी, एकीकृत समाजवादी, जनता समाजवादी पार्टी, लोकतान्त्रिक समाजवादी पार्टी, जनमत पार्टी, राष्ट्रिय जनमोर्चा र नागरिक उन्मुक्ति पार्टीबीच छलफल भएको थियो ।
आज बिहान बसेको बैठकमा कांग्रेससँगै एकीकृत समाजवादीले पनि राष्ट्रपतिमा दाबी गरेको थियो । शनिबार बिहान १० बजेदेखि अपराह्न ३ बजेसम्म राष्ट्रपतिका लागि उम्मेदवारी दर्ता गर्नुपर्ने तालिका छ ।
