काठमाडौं २० अप्रिल २०२३ ।
परराष्ट्रमन्त्री एनपी साउद र नेपालका लागि बेलायती राजदूत निकोला पोलिटबीच भेटघाट भएको छ ।
सिंहदरबारस्थित मन्त्रालयमा आज बिहान उक्त भेटवार्ता भएको हो । मन्त्री भेट्न बिहान साढे ११ बजे सिंहदरबार पुगेकी राजदूत पोलिटले मन्त्री साउदसँग करिब आधा घण्टा कुराकानी गरेको बताइएको छ ।
यता, आजै नेपालका लागि अमेरिकी राजदूत डिन आर थम्पसनले भौतिक पूर्वाधार तथा यातायात व्यवस्थामन्त्री प्रकाश ज्वालासँग भेटघाट गरेका छन् । मन्त्री भेट्न राजदूत अपरान्ह ४ बजे मन्त्रालय पुगेका हुन् ।
