काठमाडौं २४ अप्रिल २०२३ ।
तीनवटा प्रतिनिधिसभा निर्वाचन क्षेत्रमा आइतबार भएको मतदानको आज गणना भइरहेको छ।
तीनमध्ये दुई क्षेत्रमा घण्टी चिन्हधारी उम्मेदवारले फराकिलो अग्रता बनाइरहेका छन् । तनहुँ १ मा त रास्वपा उम्मेदवार स्वर्णिम वाग्लेको जित करिबकरिब निश्चित नै भइसकेको छ। चितवन-२ मा पनि रास्वपा सभापति रवि लामिछानेको राम्रो अग्रता छ।
उता बारा २ मा भने रास्वपा उम्मेदवार पछाडि परेका छन् । त्यहाँ पूर्व डीआईजी रमेश खरेल घण्टी चिन्ह लिएर मैदानमा ओर्लिएका थिए । उक्त क्षेत्रमा खरेल चौथो नम्बरमा छन् । त्यहाँ जसपा र जनमतका उम्मेदवारबीच कडा टक्कर देखिएको छ। तेस्रो नम्बरमा एमाले उम्मेदवार छन् ।
