एजेन्सी ३० मे २०२३ ।
भारतको जम्मुमा यात्रुबाहक बस दुर्घटना हुँदा १० जनाको मृत्यु भएको छ ।
पञ्जावको अमृतसरबाट तीर्थ यात्रीहरु लिएर गएको बस मंगलबार विहान जम्मुको जज्जर कोल्टी क्षेत्रको एउटा खोंचमा दूर्घटना हुँदा १० जनाको मृत्यु भएको हो । घटनामा डेढ दर्जन घाइते भएको स्थानीय प्रहरीले जनाएको छ । घाइते मध्ये ४ जनाको अवस्था गम्भीर रहेको छ ।
बसमा ७५ जना यात्रु रहेको जनाइएको छ । उनीहरु जम्मुस्थित माता बैष्णोदेवी मन्दिर दर्शनका लागि जाँदै थिए । दूर्घटनालगत्तै सुरक्षाकर्मीहरुले घाइतेहरुलाई उद्धार गरी अस्पताल पुर्याएको भारतीय सञ्चार माध्यमले जनाएका छन् ।
