लण्डन १० जुन २०२३ ।
तमु समाज युकेको १६औं वार्षिक साधारणसभा यही जून २४ तारिखमा हुने भएको छ ।
समाजले एक सूचना जारी गर्दै जून २४ तारिख २०८० असार ९ गते साधारणसभा हुने जानकारी दिएको हो । सभाधारणसभा बह्राम पार्कस्थित तमु समाज यूकेको भवनमा हुने महासचिव धरम बल गुरुङले जनाए । उनका अनुसार साधारणसभामा संस्थाको प्रगति, आय(व्ययलगायत विषयमा छलफल हुनेछ ।
साधारणसभामा सहभागी हुने तमु समाज युकेका अध्यक्ष, कार्यसमितिका पदाधिकारी, संस्थापक अध्यक्ष, पूर्व तथा निर्वतमान अध्यक्ष, ट्रस्टिज, सल्लाहकार, आमा समूहका अध्यक्ष, पूर्व तथा निर्वतमान अध्यक्ष, युवा समूहका अध्यक्ष, आजीवन सदस्य र युवा भाइ, बहिनीहरुमा निम्तो दिइएको छ ।
