काठमाडौं १५ जुन २०२३ ।
फिलिपिन्सविरुद्धको अन्तर्राष्ट्रिय मैत्रीपूर्ण फुटबलमा नेपाल पराजित भएको छ।
पहिलो हाफमा गोलरहित बराबरी खेलेको नेपाल दोस्रो हाफमा सम्हालिन नसक्दा १–० गोलले पराजित भयो । साफ च्याम्पियनसिपको तयारीका रुपमा नेपाल मैत्रीपूर्ण खेलका लागि फिलिपिन्स भ्रमणमा गएको हो।
फिलिपिन्सको मनिलास्थित रिजाल मेमोरियल रंगशालामा भएको खेलमा फिलिपिन्सका जार्वे गायसोले गरेको गोल नै निर्णायक बन्यो । फिलिपिन्सबाट नेपाल साफ च्याम्पियनसिप खेल्न भारत जानेछ। साफमा नेपाल रहेको समूहमा भारत, पाकिस्तान र कुवेत छन् ।
