लण्डन २४ जुन २०२३ ।
बेलायतमा पुनः ब्याजदर बढाइएको छ ।
बैंक अफ इङ्ल्याण्डको मौद्रिक नीति समितिको बैठकले शुन्य दशमलब ५ प्रतिशत ब्याजदर बढाउने निर्णय गरेको हो । यो निर्णयसँगै बैंकले तोकेको न्यूनतम ब्याजदर अब ५ प्रतिशत पुगेको छ ।
मुद्रास्फितिको चरम शिकार बनिरहेको बेलायतमा केन्द्रीय बैंकको निर्णयले मोर्गेज बजारमा भने हलचल मच्चिन लागेको छ । अहिले बैँकहरूले अस्थिर बजारका कारण कतपय अफरहरू पनि रद्द गरेका छन् ।
त्यसो त, मौद्रिक नीति समितिका ९ सदस्यमध्ये २ जना यसको विपक्षमा थिए । तर बहुमत ९७ जना० सदस्यले ब्याजदर बढाउने निर्णय गरेका हुन् । लगातार १३ औं पटक ब्याजदर बढेसँगै यो दर गएको १२ वर्षयताकै उच्च हो ।
यसैबीच, प्रतिपक्षी लेबर पार्टीले मोर्गेज लिनेहरूलाई परेको मर्का सम्बोधन गर्न सरकारसँग माग गरेको छ ।
