जय तामाङ
स्विन्डन युके ७ अगस्ट २०२५ । बेलायतको स्विन्डनमा ‘यात्री मोर्गेज’ उद्घाटन गरिएको छ ।
नेपाली समाज विल्टशायरका कार्यसमिति तथा सल्लाहकारहरुले सहसचिव कमल गुरुङको स्वामित्वमा सुरु गरिएको यात्री मोर्गेजको ६ अगस्ट २०२५ मा उद्घाटन गरेका छन् ।
स्विन्डनको कमर्सियल रोडस्थित यात्री मोर्गेजको कार्यालयमा नै गएर बधाई दिँदै उद्घाटन गरेको नेपाली समाज विल्टशायरका पूर्वअध्यक्ष तथा वर्तमान सल्लहाकार ज्ञानप्रसाद गुरुङले बताए ।
नेपालीहरुको बाक्लो बस्ति रहेको स्विन्डन वरिपरिका नेपालीहरुलाई मध्यनजर गर्दै यात्री मोर्गेज सुरु गरिएको हो । त्यस क्षेत्रमा नेपालीकै पिपल मोर्गेजले केही समयअघिदेखि सेवा दिइरहेको छ ।
बेलायतका विभिन्न क्षेत्रमा नेपालीहरुले विभिन्न प्रकारका व्यवसायी खोल्ने क्रम बढिरहेको छ । पेसा, व्यवसायमा रहेका नेपालीले घर किनीरहेका छन् ।
