तस्बिर : आश गुरुङ
लन्डन २८ अगस्ट २०२५ । तधु धीं यूकेले नेपालको गण्डकी प्रदेशका एमाले सांसद तथा पूर्वमन्त्री वेदबहादुर (श्याम) गुरुङ र उनकी धर्मपत्नी शिरशोभा गुरुङ, हङकङबाट आएकी जिफाहका अध्यक्ष माया गुरुङ र अमेरिकाबाट आएकी नायिका एन्सर्जलाई स्वागत गरेको छ ।
मिचेटस्थित आफ्नै भवनमा बिहीबार २८ अगस्टमा अतिथिहरुलाई तमुधीं यूकेका अध्यक्ष जुमकाजी गुरुङले खादा लगाएर स्वागत गरेका हुन् । त्यसक्रममा अध्यक्ष गुरुङले संस्थाको बारेमा जानकारी पनि गराएका थिए । त्यस अवसरमा तमुधीं यूकेका सचिव तथा व्यवसायी विमल गुरुङ, सल्लाहकार तथा व्यवसायी दिलरास गुरुङ, व्यवसायी देव गुरुङलगायतको उपस्थिति थियो ।
सांसद तथा कलाकारहरुले स्वागतका लागि तमु धीं यूकेका अध्यक्षसहित टिमलाई धन्यवाद दिए । सांसद गुरुङ, कलाकारद्वय तमुधीं यूकेले २४ अगस्टमा आयोजना गरेको १६ औं नेपाली मेलाका लागि बेलायत आएका हुन् ।
