तमुधी एसोसिएसन यूकेले २०२५ को ल्होछार पर्वलाई भव्यरूपमा मनाउन विशेष सांस्कृतिक कार्यक्रमको घोषणा गरेको छ। यो कार्यक्रम २७ डिसेम्बर २०२५ मा एम्पायर हल, हाई स्ट्रीट, अल्डरसट (GU11 1DJ) मा आयोजना हुने छ।
कार्यक्रममा नेपाल तथा बेलायतका कलाकारहरूको आकर्षक प्रस्तुति रहनेछ। विशेष रूपमा गायक केश बहादुर गुरुङ र गायिका (alome गुरुङ ले आफ्नो लोकप्रिय गीत तथा सांगीतिक प्रस्तुति दिनेछन्।
कार्यक्रममा विविध परम्परागत नृत्य, सांस्कृतिक झाँकी, स्थानीय कलाकारहरूको प्रस्तुति, समुदायका योगदानकर्तालाई प्रदान गरिने डा. हर्क अवार्ड तथा कम्युनिटी अवार्ड पनि रहनेछन्।
ल्होछार पर्वले तमु समुदायको सांस्कृतिक पहिचान, एकता र परम्परागत मूल्यलाई अझ सुदृढ बनाउने विश्वास आयोजकले व्यक्त गरेको छ। वर्षेनी झैँ यस वर्ष पनि कार्यक्रमलाई भव्य बनाउने तयारी गरिएको र सबैलाई सहभागिताको लागि हार्दिक निमन्त्रणासमेत गरिएको छ।
थप जानकारी तथा विवरणका लागि www.tamudheeuk.com
हेर्न सकिनेछ।
