बेलायत SK– अल्डरशट भलिबल क्लबले आफ्नो ९औँ वार्षिक भलिबल प्रतियोगिता आगामी १३ जुन २०२६, शनिबार आयोजना गर्ने भएको छ। प्रतियोगिता वेल्स्ली स्पोर्ट ग्राउण्ड, एल्डरशट (GU11 1QB) मा बिहान ८ बजेदेखि साँझ ८ बजेसम्म सञ्चालन हुनेछ।
एकदिने यस प्रतियोगितामा पुरुष तथा महिला टोलीहरूको सहभागिता रहनेछ। प्रतियोगिताले खेलाडीहरूबीच प्रतिस्पर्धात्मक भावना विकास गर्नुका साथै सामुदायिक एकता र खेल संस्कृतिलाई थप मजबुत बनाउने अपेक्षा गरिएको छ।
आकर्षक नगद पुरस्कार
प्रतियोगितामा उत्कृष्ट प्रदर्शन गर्ने टोलीहरूलाई नगद पुरस्कारका साथै ट्रफी, पदक र प्रमाणपत्र प्रदान गरिनेछ।
पुरुषतर्फ
- विजेता: £१,६००
- उपविजेता: £१,१००
महिलातर्फ
- विजेता: £९००
- उपविजेता: £५५०
सहभागिता शुल्क
प्रतियोगितामा सहभागी हुन इच्छुक टोलीहरूले निम्नानुसार दर्ता शुल्क बुझाउनुपर्नेछ:
- पुरुष टोली: £२००
- महिला टोली: £१५०
खानपानको व्यवस्था
प्रतियोगिता अवधिभर सहभागी तथा दर्शकहरूको सुविधाका लागि मोमो स्टेशन एल्डरशट ले खेलस्थलमा खाद्य स्टल सञ्चालन गर्नेछ।
प्रतियोगिताको महत्वपूर्ण नियम
आयोजक समितिले प्रतियोगितामा अतिथि (Guest) खेलाडीहरूलाई सहभागिता गर्न अनुमति नदिइने स्पष्ट गरेको छ। यस निर्णयले निष्पक्ष प्रतिस्पर्धा र टोलीको मौलिकता कायम राख्न सहयोग गर्ने विश्वास गरिएको छ।
आयोजकको आह्वान
क्लबका पदाधिकारीहरूले विभिन्न टोली तथा खेलप्रेमीहरूलाई प्रतियोगितामा सहभागी भई कार्यक्रमलाई सफल बनाउन आग्रह गरेका छन्। विगतका संस्करणहरू जस्तै यस वर्षको प्रतियोगिताले पनि खेलाडीहरूबीच मित्रता, खेल भावना र स्वस्थ प्रतिस्पर्धाको वातावरण सिर्जना गर्ने अपेक्षा गरिएको छ।
थप जानकारीका लागि सम्पर्क:
- बिमल गुरुङ (अध्यक्ष): 07456 181918
- गोकुल राई (सचिव): 07365 141600
- सोर्गा गुरुङ (पूर्व अध्यक्ष तथा खेल संयोजक): 07533 492249
बलियो पुरस्कार राशी, रोमाञ्चक प्रतिस्पर्धा र उत्साहपूर्ण वातावरणका कारण ९औँ एल्डरशट भलिबल प्रतियोगिता २०२६ मा उल्लेखनीय सहभागिता रहने अपेक्षा गरिएको छ।
“सँगै खेलौं, सँगै जितौं!” भन्ने मूल नारासहित आयोजकहरू अर्को सफल संस्करणको तयारीमा जुटेका छन्।
