काठमाडौं । रसुवा उत्तरगया गाउँपालिका–३ ठूलो गाउँका बाढीपीडितलाई युनाइटेड गुरुङ सोसाइटी अफ अमेरिकाद्वारा सङ्कलित १३ लाख ५५ हजार रुपैयाँ बराबरका राहत सामग्री वितरण गरिएको छ ।
सोसाइटीका उपाध्यक्ष अगम गुरुङले उक्त गाउँका बाढी प्रभावित परिवारलाई खाद्यान्न, लत्ताकपडालगायत दैनिक उपभोगका सामग्री प्रदान गर्नुभएको हो । बाढीबाट उक्त गाउँका अधिकांश परिवार प्रभावित भएका छन् । राहन वितरणका लागि गुरुङ साहित्यिक मञ्च नेपालले समन्वय गरेको थियो ।
