काठमाडौं । मेक्सिकोमा इन्धनको पाइपलाइनमा बिस्फोट हुँदा कम्तिमा २१ जनाको मृत्यु भएको छ । घटनामा ७१ जना घाइते भएका छन् ।
मेक्सिकोको मध्य क्षेत्रको राज्य हाइडाल्गोमा सरकारी तेल कम्पनी पेमेक्सको पाइप लाइनमा बिस्फोट भएको हो ।
पाइपलाइन चुहिएपछि तेल लिन स्थानीय बासिन्दा पुगेका बेला आगो सल्किएर बिस्फोट भएको हाइडाल्गोका गभर्नर ओमार फायदले बताए ।
दुर्घटनामा घाइते भएकाहरुको स्थानीय अस्पतालमा उपचार भइरहेको छ ।
राज्य सरकारले पीडितलाई राहत दिने प्रतिबद्धता जनाएको छ । इन्धन चुहिनुको कारण खुलेको छैन । (एजेन्सी
