लन्डन चैत १९ ।
बेलायत सरकारले गोरखा भूतपूर्व सैनिकहरुको पेन्सन बढाएको छ ।
यस वर्ष नेपालमा बढेको महँगीलाई समायोजन गर्न यही अप्रिलदेखि २.९३ प्रतिशत पेन्सन वृद्धि गरिएको बेलायती रक्षा मन्त्रालयले जनाएको छ ।
जसअनुसार सबैभन्दा कम पेन्सन थाप्नेहरुले अप्रिल १ देखि २३ हजार ६४७ रुपियाँ ५१ पैसा भारतीय रकम बराबरको पेन्सन पाउनेछन् ।
बेलायतले भारतीय सेनाको पेन्सनलाई आधार बनाएर गोरखाहरुलाई पेन्सन दिने भएकाले अहिले बढेको पेन्सन पनि भारतीय मुद्रामा नै छ । जसलाई अहिलेको प्रचलित सटही दर अनुसार १ भारतीय मुद्राको १.६ नेपाली रुपियाँ हिसाब गरिएको छ । बेलायत सरकारले हरेक वर्षको अप्रिल महिनामा पेन्सन हेरफेर गर्ने गरिएको छ ।
