लन्डन वैशाख १७ । बेलायतमा कोरोना भाइरस संक्रमितको संख्या ४४ लाख नाघेको छ ।
पछिल्लो २४ घन्टामा २ हजार २ सय ४५ जना नयाँ संक्रमित थपिएसँगै संक्रमितको संख्या ४४ लाख १४ हजार २४२ पुगेको ‘डिपार्टमेन्ट अफ हेल्थ एण्ड सोशल केयर’ ले जानकारी दिएको हो ।
पछिल्लो २४ घन्टामा २२ जना संक्रमितको मृत्यु भएको छ । योसंगै कोरोना संक्रमणका कारण बेलायतमा मृत्यु हुनेको संख्या १ लाख २७ हजार ५०२ पुगेको छ । कोरोना संक्रमणका कारण सबैभन्दा बढी मृत्यु हुने मुलुकमध्ये अमेरिका, ब्राजिल, मेक्सिको, भारत पछि बेलायत पाँचौं स्थानमा छ ।
बेलायतमा सक्रिय संक्रमितको संख्या ७६ हजार ३९७ छ भने ४२ लाख १० हजार ३४३ संक्रमित निको भइसकेको वर्ल्डओमिटरको तथ्यांकमा उल्लेख छ । अस्पतालमा उपचार गराइरहेका र नयां भर्ना हुनेको संख्यामा पनि उल्लेखनीय कमी आएको छ । हाल भेन्टिलेटर बेडमा उपचार गर्नेको संख्या २०८ छ ।
